ახალი ამბები

კახაბერ გვანცელაძის განცხადებით, შეუფასებელია ის ძალისხმევა, რომელიც ბაღების ადმინისტრაციებმა და საგანმანათლებლო პერსონალმა არ დაიშურა და ყველაზე რთულ ვითარებაში, უსაფრთხოების წესების დაცვით, ბავშვებისთვის იმ პროდუქტების გაცემა უზრუნველყვეს, რაც სპეციალისტების რეკომენდაციით შეირჩა.

თბილისის მერის ინიციატივით, სოციალური პროექტი, რომლის ფარგლებშიც, თითოეული აღსაზრდელის ოჯახს საშუალება ჰქონდა, ბავშვთა კვებისთვის განკუთვნილი ნობათი ორ კვირაში ერთხელ მიეღო, ბაღებში 19 მარტიდან დაიწყო. ოთხი თვის განმავლობაში, ბაღებში 50 000-ზე მეტმა ოჯახმა, ჯამში, 383 635 პაკეტი მიიღო. პროექტის განსახორციელებლად დედაქალაქის ბიუჯეტიდან 11 მილიონი ლარი დაიხარჯა.