ახალი ამბები

აღნიშნულ შენობას ჩაუტარდება კონსტრუქციის გამაგრების ღონისძიებები, ასევე, შეიცვლება სახურავი, ჩატარდება შიდა რემონტი და შშმ პირთათვის ადაპტირდება.

„კრწანისის რაიონში მნიშვნელოვან პროექტს ვახორციელებთ. კერძოდ, ფონიჭალის დასახლებაში, სადაც 71-ე ბაღის რეაბილიტაციის პროცესი დავიწყეთ. სამუშაოები საკმაოდ მასშტაბურია. ეს გახლავთ ერთ-ერთი დიდი ბაღი არამხოლოდ რაიონში, არამედ თბილისში. სულ 14 ჯგუფი ფუნქციონირებს. პროექტის დასრულების შემდეგ, ამ საბავშვო ბაღში 500 ბავშვი შეძლებს ჩვენი მომსახურების მიღებას,“ - განაცხადა კახაბერ გვანცელაძემ.

N71-ე ბაგა-ბაღის კონტინგენტი, ამჟამად, ახლომდებარე ბაღშია განთავსებული, შემოდგომაზე კი, აღსაზრდელები განახლებულ შენობაში დაბრუნდებიან.

პროექტს კომპანია „სიემდი ფორტექსი“ ახორციელებს. მისი ღირებულება 850 000 ლარია.