ახალი ამბები

“დიღმის მასივის მეოთხე კვარტალში მდებარე საბავშვო ბაღის ძველი შენობის ნაცვლად ახალი, თანამედროვე დიზაინის და სტანდარტების შენობა აშენდა, სადაც ექსპლუატაციაში მიღების შემდეგ, 250-მდე აღსაზრდელი ისწავლის. შენობა აღიჭურვება საერთაშორისო და ეროვნული კანონმდებლობით გათვალისწინებული სტანდარტების შესაბამისად - ადაპტირდება შშმ პირთათვის, მაღალი სტანდარტების კვების ბლოკი იფუნქციონირებს, მოეწყობა შიდა და გარე ეზო, დამონტაჟდება ვიდროსამეთვალყურეო და სახანძრო უსაფრთხოების სისტემები,” განაცხადა გოგი ჩიქოვანმა.

N19 საბავშვო ბაღის ჯგუფები ამ დრომდე ახლომდებარე ბაღებში არის გადანაწილებული, ახალი წლიდან კი ისინი ძველ მისამართზე დაბრუნდებიან. ამ ეტაპზე, შენობაში ინტერიერის სარემონტო სამუშაოები მიმდინარეობს. უახლოეს მომავალში დაიწყება ფასადისა და ეზოს მოწესრიგება. მშენებლობა წლის ბოლოს დასრულდება. პროექტის ღირებულება 4 180 000 ლარია.