დედაქალაქში ივლისში 45 საზაფხულო ბაღი იმუშავებს
თბილისის საბავშვო ბაგა-ბაღების მართვის სააგენტო, პანდემიის შემდეგ პირველად, საზაფხულო ბაღების პროექტს გაზრდილი მასშტაბით განახორციელებს. მიმდინარე წლის ივლისში დედაქალაქში 45 საბავშვო ბაღი იმუშავებს, რომელიც 17 000-ზე მეტ აღსაზრდელს მოემსახურება.
საზაფხულო ბაღებში რეგისტრაცია, რომელიც ელექტრონულად, თბილისის საბავშვო ბაგა-ბაღების მართვის სააგენტოს ვებგვერდზე - www.kids.org.ge წარიმართება, 20 ივნისს, 10:00 საათზე დაიწყება. აღნიშნული მომსახურებით ისარგებლებენ თბილისის საბავშვო ბაგა-ბაღების აღსაზრდელები.
საბავშვო ბაგა-ბაღები შერჩეულია გეოგრაფიული პრინციპით, რათა დედაქალაქის სხვადასხვა უბნის მცხოვრებლებისთვის სერვისი თანაბრად იყოს ხელმისაწვდომი. ბაღების ჩამონათვალი და მისამართები საბავშვო ბაგა-ბაღების მართვის სააგენტოს ვებგვერდზეა ხელმისაწვდომი.