facebook youtube

თბილისის საჯარო ბაღებმა დედის დღე აღნიშნეს

3 მარტი 2017
image

თბილისის საბავშვო ბაგა-ბაღებმა დედის დღესთან დაკავშირებით სხვადასხვა სახის ღონისძიებები გამართეს. ტრადიციულად, თითქმის ყველა ბაღში ბავშვებმა დედებისათვის მისალოცი ბარათები და სუვენირები დაამზადეს. წყნეთის N114 საჯარო ბაგა-ბაღის აღსაზრდელებმა კი თანატოლებისათვის თეატრალური წარმოდგენა გამართეს.

პატარა მსახიობებმა აღმზრდელების დახმარებით თოჯინების სპექტაკლი „ჭუკიტოს თავგადასავალი“ წარმოადგინეს და აღფრთოვანებული მაყურებლების ოვაციაც დაიმსახურეს. ბაგა-ბაღის დირექტორის, ნინო მამამთავრიშვილის განცხადებით, თოჯინების თეატრი მცირე ექსპერტიმენტი იყო, რომელმაც ბავშვების დიდი მოწონება დაიმსახურა. სწორედ ამიტომ, ბაგა-ბაღის ადმინისტრაციამ და აღმზრდელებმა გადაწყვიტეს, რომ სამომავლოდ რეპერტუარი განავრცონ და კიდევ უფრო ხშირად გამართონ თეატრალური წარმოდგენები.